Është koha që Bashkimi Europian të tregojë publikisht se cfarë sanksionesh planifikon të vendosë ndaj Rusisë në rastin e pushtimit të Ukrainës, tha ministri i Jashtëm ukrainas Dmytro Kuleba, një lëvizje kjo që dëshmon qartë se Kievit po i humbet durimi me lëvizjet e Brukselit. “Tregojuani sanksionet rusëve, bëjini të ditura për të gjithë, në mënyrë që rusët ta mësojnë se cfarë i pret në rast agresioni”, u shpreh ai. Kemi degjuar gjithë kohën sesa të ashpra do të jenë këto sanksione. Tani është momenti për detaje, sepse në të kundërt, Moska do të mendojë se po luani me bllofin”, shtoi Kuleba. Mbretëria e Bashkuar ka thënë se do të vendosë ligje të reja për të zgjeruar gamën e sanksioneve që mund të vendosë ndaj Rusisë dhe individëve të lidhur me Kremlinin në një përpjekje për të bindur Moskën te mos e tentojë sulmin ndaj Ukrainës. Liderët e BE-së ranë dakord në dhjetor për të vendosur më shumë sanksione ekonomike ndaj Moskës në rast pushtimi. Vërejtjet e zv shefit të diplomacisë ukrainase vijnë në kohën kur Rusia vazhdon të mbajë të grumbulluara 100 mijë dhe pajisje ushtarakje në kufirin me Ukrainën. Megjithëse Moska e ka mohuar synimin e saj për të pushtuar vendin fqinjn, administrata e Bidenit ka punuar gjatë disa javëve të fundit për të përforcuar masat e parandaluese kundër një mësymjeje të mundshme.