Top Channel/Covid vret fizioterapistin, Ylli Mihali,pjesëtar i stafit të kombëtares ishte në intubim

Futbolli shqiptar është në zi, për shkak të ndarjes nga jeta të masazhatorit të ekipit kombëtarë dhe të disa klubeve në futbollin tonë, Ylli Mihali. Pas disa javësh në betejë me koronavirusin, Mihali e humbi këtë sfidë mëngjesin e sotëm në moshën 55-vjeçare. Prej ditës të mërkurë së javës së shkuar kishte kaluar në intubim për t’u përpjekur të mbijetojë dhe sinjalet e para ishin pozitive, por me sa duket ishte e pamundur.