Përfaqësuesi i Lartë i BE-së, Josep Borrell i ka vendosur “ultimatum” kryeministrit të Kosovës Albin Kurtit, teksa i ktheu përgjigje për letrën e dërguar nga ai një ditë më parë për plotësimin e pikave për situatën në veri. Në momentin që të gjitha pikat do të plotësohen, do të organizohet një takim i nivelit të lartë në mes kryeministrit Kurti dhe presidentit serb. Borrell ka kërkuar që të ndërmerren veprime të de-përshkallëzimit të situatës në Veriun e Kosovës. Letra, tashmë e publikuar në Twitter nga zëdhënësi i Bashkimit Europian, Peter Stano, tregon mënyrën se si Borell i qëndron kërkesave të bëra më parë Kurtit. Në fokus përfaqësuesi BE-së mban pikat që përfshijnë punën përkohshme të katër kryetarëve të komunave në veri të Kosovës nga lokacione të ndryshme, ndërprerjen e menjëhershme të operacioneve policore në afërsi të objekteve komunale në veri të Kosovës dhe zgjedhje sa më të shpejta në katër komunat veriore. Paralelisht, ai po kërkojnë nga Serbia që të mbështesë tërheqjen e elementëve radikalë nga zonat, ku tensioni është shumë i lartë. Ndër të tjera në letër shtohet se ia kanë bërë të qartë presidentit serb Aleksandar Vuçiç për pjesëmarrjen e serbëve në zgjedhje. Nëse situata qetësohet, Borell shton se janë të gatshëm të diskutojmë më në detaje marrëveshjet e sigurisë me KFOR/EULEX-in në katër komunat. E kundërta do të ndodhë nëse Kurti nuk tërhiqet, pasi Blloku Europian do të paraqesë masat publikisht, të cilat do të kenë pasoja negative për Kosovën. Në fund të letrës zyrtare Borell, teksa ripërsërit edhe projekt-propozimin e të dërguarit për dialogun Kosovë-Serbi, Miroslav Lajçak, ai bën thirrje për për paqe dhe stabilitet, në mënyrë që të fokusohen në normalizimin e marrëdhënieve, pra formimin e Asocacionit të Komunave me shumicë serbe.