Besimtarët muslimanë ecnin sot rreth Qabes së Mekës, duke përshkuar shtatë rrotullimet e kërkuara në tempullin më të shenjtë të fesë islame, në ditën e parë të lutjeve te Kurban Bajramit. Ata gjithashtu "lëshuan gurë ndaj djallit", që është dhe rituali i fundit madhor i Haxhit të këtij viti, i cili po kryhet sipas kufizimeve të koronavirusit për të dytin vit radhazi. Ekzistojnë disa ide mes dijetarëve mbi atë që ndërtoi për herë të parë Qaben. Disa besojnë se ajo u ndërtua nga engjëjt ndërsa të tjerët besojnë se u ndërtua nga Ademi. Gjithsesi tempulli është ndërtuar disa herë para se të arrinte gjendjen e saj aktuale, më i famshmi nga këto rinovime ishte ai nga Ibrahimi. Qabja është gjithashtu drejtimi i përbashkët i lutjeve për të gjithë myslimanët në botë. Pelegrinazhi i Haxhit, i quajtur gjithashtu pelegrinazh më i madh mysliman, tërheq miliona besimtarë nga e gjithë bota dhe normalisht trefishon popullsinë e Mekës për një javë. Në vitin 2019, Haxhi tërhoqi 2,489,406 pelegrinë në qytetin e shenjtë.