Kreu i opozitës, Sali Berisha, iu drejtua me një videomesazh qytetarëve shqiptarë, duke iu bërë thirrje që t’i bashkohen protestës së të rinjve. Ai kërkoi mbështetje masive për studentë e gjimnazistë, që vijojnë prej një jave përshkallëzimin në Tiranë e disa qytete të vendit. “Çdo ditë që Edi Rama nuk jep dorëheqjen, Shqipëria ka një kosto më të lartë, por çdo ditë që ti nuk bashkohesh me studentët, Edi Rama zgjat fundin e tij të pashmangshëm. Ndaj dhe dil sot, në mbështetje të atyre të rinjve, që Edi Rama u ka vjedhur gjithçka, por ende nuk e kanë braktisur dhe duan të bëjnë Shqipërinë sipas projektit të ëndrrave të tyre rinore. Të gjithë me të rinjtë, të gjithë tek ata nesër në ora 10:00 para universitetit, gjer në fitore”. Berisha akuzoi kryeministrin Edi Rama për përdorim të dhunës policore ndaj protestuesve, ndërsa e quajti kriminal vendimin e qeverisë për të shpërblyer forcat e rendit.