Episodi i shtatë i Artkand ka filluar me një vepër surprizë. Vajza me Lule e autorit Abdurrahim Buza, një vepër e vitit 1982, u prezantua për publikun me çmimin fillestar 6000 euro. Vepra është e përmasave 24x33cm dhe e teknikës vaj në fajazit. Kjo e gjetje e programit ka pasur menjëherë interesimin e publikut. Abdurrahim Buza është një nga personalitetet më origjinale të artit shqiptar dhe kjo vepër mban firmën e artistit me penelatat e shpejta dhe gamën koloristike. Spiro Kristo u prezantua në program nëpërmjet veprës, Festivalistet, me çmimin fillestar 4500 euro. 100×95 cm, e vitit 1988, nëpërmjet teknikës vaj në kanavacë. Motivet e Festivalit të Gjirokastrës pasqyrohen në tablo, me larmishmërinë e kostumeve dhe me sfondin e shtëpive karakteristike të Gjirokastrës. Andon Kuqai, i konsideruar si kritiku i parë i arteve figurative, u prezantua me akuarelin Peizash Fshati me cmimin fillestar 1200 euro Një vepër me përmasa 26x31cm.