Ka zgjatur rreth dy orë biseda telefonike mes president Joe Biden dhe atij të Kinës Xi Jinping, por pak dihet ende se për çfarë u fol. Ministri i jashtëm kinez ishte i pari që zbuloi pak detaje nga telefona, duke thënë se ajo çfarë u diskutua, ishte se një konflikt i përshkallëzuar nuk ishte në interesin e askujt. Që kur filloi lufta Kina ka mbajtur një pozicion neutral duke mos i dënuar veprimet e Rusisë dhe ka refuzuar ta quajë agresionin e Rusisë një pushtim. Megjithëse nuk janë aleatë ushtarakë, Kina dhe Rusia në vitet e fundit kanë thelluar marrëdhënien e tyre ne marrëveshje tregtare , teknologjike apo fusha të tjera. Ajo çfarë është një shqetësim për SHBA tani është fakti se Rusia i ka kërkuar kinës ndihmë ushtarake dhe ekonomike , dhe qeveria kineze është treguar deri diku e hapur për ta bërë një gjë të tillë, sipas zyrtarëve amerikanë. Dhe në telefonatën me Biden, presidenti amerikan thuhet se i ka parashtruar pasojat e mundshme në rast të një veprimi të tillë, ndërkohë nga ana tjetër kërkon ti çojë mesazh Putinit se ai është i vetëm në këtë luftë.