Katër avionë luftarakë RAF F-35B kaluan shumë pranë një helikopteri civil në Norfolk të Anglisë gjatë një stërvitjeje rutinw, duke e trembur pilotin e tij sipas të cilit të paktën njëri prej avionëve 80 milionë paundësh fluturoi saktesisht mbi “kokën e tij”. “Na ndanë më pak se 90 metra”, është shprehur piloti ndërsa theksoi se sistemi i vet i alarmit ndaj përplasjes, TCAS ishte aktivizuar dhe njoftoi se distanca e sigurisë qe shkelur. Avioni ushtarak megjithatë nuk e kishte parë helikopterin dhe tani, thuhet se mund të nisë një hetim i cili synon të zbulojë përse F35-sat nuk janë të pajisur më një sistem të ngjashëm jetik anti-përplasje. Të dhënat e radarit treguan më vonë se avionet RAF i ishin afruar helikopterit nga pas me një shpejtësi dy herë më të madhe se ajo e mjetit ajror civil. Autoritetet vlerësuan se rreziku i përplasjes me tyre, kishte qenë vërtet i madh. Pavarësisht sensorëve të avansuar në bord, F-35 B nuk e kanë teknologjinë TCAS.