Konferenca e Sigurisë në Mynih publikoi Raportin për Sigurinë. "Ndërmjet dy gjendjeve - konkurrencës dhe kooperimit" një raport 160 faqësh, ku që në titull kuptohet dilema kryesore: Demokracitë perëndimore po sfidohen nga Kina. edhe pse të dyja palët kanë nevojë për njëra-tjetrën. Jo vetëm si partnerë ekonomikë, por edhe për të kapërcyer sfidat e mëdha globale, Shtetet e Bashkuara i kanë fuqizuar përpjekjet për t’iu kundërvënë Kinës duke e nisur betejen nga aspekti teknologjik. Senati amerikan miratoi një masë prej gati 250 miliardë dollarësh, përmes së cilës synohet që të mbahet epërsia në fushën e teknologjisë, në konkurrencë me Kinën. Për projektligjin votuan 68 ligjëvënës pro dhe 32 kundër. Pro kësaj mase votuan demokratët dhe republikanët duke shfaqur një lloj uniteti për përballjen ekonomike dhe politike me Kinën. Lideri i shumicës në Senat, demokrati Chuck Schumer tha se "udhëheqës ekonomik global do të jetë ai vend që fiton garën drejt teknologjive të së ardhmes”. komiteti i punëve të jashtme i Kongresit Popullor Kombëtar të Kinës u shpreh se projektligji i SHBA-së dëshmon një mentalitet të Luftës së Ftohtë dhe paragjykime ideologjike". Nga kjo shumë e miratuar, 50 miliardë dollarë do të përdoren për të mbështetur zhvillimin dhe prodhimin e gjysmëpërçuesve, pasi gjatë pandemisë së koronavirusit furnizimi më këtë material është vështirësuar.