Kontrollet përmes dronit, zbuluan në Laç këto bimë kabanisi që ishin fshehur në banesën e shtetasit V.C. që u arrestua nga policia. Në total agjentët zbuluan 94 fidanë që ishin mbjellë në kubikë të vegjël e që më pas do të kultivoheshin në zona të ndryshme. Fidanët e kanabisit u sekuestruan të gjithë në cilësinë e provës materiale. Aksioni I koduar “Imazhi” erdhi si rrjedhojë e kontrollve të shumta që po kryejnë uniformat blu në të gjithë vendin me qëllim parandalimin dhe goditjen që në fazë fillestare të tentativës për kultivimin e lëndëve narkotike. Operacionet e uniformave blu janë përqëndruar më së shumti në zonat e pyllëzuara por dhe ato të banuara, të qarkut të Durrësit dhe Lezhës, por dhe atij të Shkodrës. Territore këto që përdoren më së shumti nga grupet kriminale për kultivimin e bimëve narktoike.