Refuzohet ankesa për votat e diasporës, VV do ta dërgojë në Supreme
28/10/2019 19:21

Paneli Zgjedhor për Ankesa dhe Parashtresa ka refuzuar kërkesën e Lëvizjes Vetëvendosje për numërimin e 4639 votave të diasporës që kanë arritur pas afatit të paraparë. Ndërsa në Komisionin Qendror të Zgjedhjeve, thonë se pa u mbyllur kjo çështje nuk mund të dalin me rezultatet përfundimtare të zgjedhjeve të 6 tetorit. Ditë më parë Gjykata Supreme vendori që të rishikohet vendimi i PZAP lidhur me kërkesën e Lëvizjes Vetëvendosje. Kryesuesi i Sekretarit të PZAP-së, Mul Desku tha se paneli ka vendosur për refuzim të ankesës së Lëvizjes Vetëvendosje si të pabazuar. Sipas tij, Paneli mori këtë vendim në bazë të provave dhe rregulloren e KQZ-së. “Paneli ka marrë vendim për refuzimin e ankesës të pabazuar. Kjo është përgjigja e panelit lidhur me udhëzimin që e ka dhënë Gjykata Supreme e ka kthyer në rishqyrtim dhe rivendosje ankesën e Lëvizjes Vetëvendosje për ta proceduar apo numëruar 4639 fletëvotime të ardhura nga diaspora…ky është vendimi i Panelit Zgjedhor dhe palët ndaj këtij vendimi mund të parashtrojnë ankesë brenda 24 orëve në Gjykatën Supreme…Paneli ka vlerësuar duke u mbështetur në ligj, duke u mbështetur në prova në rregulloren e Komisionit Qendror Zgjedhor që të vendos në këtë mënyrë”, tha ai. Ai tha se nuk është refuzuar kërkesa e Gjykatës Supreme por ankesa e subjektit politike Lëvizja Vetëvendosje. Sipas Deskut, Lëvizja Vetëvendosje brenda 24 orëve ka mundësi të ankohet lidhur me vendimin, ndërsa Gjykata Supreme ka në dispozicion 72 orë për të shqyrtuar ankesën. Ndërsa, në Komisionin Qendror Zgjedhor lidhur me vendimin e PZAP, thonë se do presin afatin ligjor para se të procedojë më tej. Zëdhënësi i KQZ-së, Valmir Elezi tha se Komisioni Qendror i Zgjedhjeve nuk mund të shpall rezultatet përfundimtare pa u përmbyllur kjo çështje. “Komisioni Qendror i Zgjedhjeve do pres afatin ligjor para se të procedoj më tej, pasi në fund të vendimit të PZAP-it, këshillë juridike, pra lejohet ankesa brenda 24 orëve kundër këtij vendimi në Gjykatën Supreme….Komisioni Qendror i Zgjedhjeve nuk mund të shpall rezultatet përfundimtare pa u përmbyllur kjo çështje”, tha Elezi. Lëvizja Vetëvendosje do të dërgojë në Gjykatën Supreme, apelin për vendimin e mosnumërimit të votave të diasporës nga Paneli Zgjedhor për Ankesa dhe Parashtresa. Një gjë të tillë e ka bërë të ditur anëtari nga LVV në Komisionin Qendror të Zgjedhjeve, Adnan Rrustemi. Ky i fundit thotë se PZAP në mënyrë artificiale ia mohoi të drejtën për numërim të votës qytetarëve që jetojnë jashtë vendit. “Do ta apelojmë në Gjykatë Supreme vendimin për mosnumërimin e votave të bashkatdhetarëve. Sot pranuam nga Paneli zgjedhor për ankesa dhe parashtresa vendimin e marrë nga gjyqtarët Fejzullah Rexhepi Kryesues, Nenad Llazic, Afjete Sada – Gllogjani, Kymete Kimete, Zyhdi Haziri, Rrustem Thaqi, Ferki Xhaferi, Faton Ademi dhe Adnan Konushevci, anëtarë, ku refuzohet si i pabazuar apeli i paraqitur nga Lëvizja Vetëvendosje për numërimin e zarfeve me fletëvotime nga bashkatdhetarët tanë. Ndonëse Gjykata Supreme e Republikës së Kosovës i kërkonte PZAP ta merrte parasysh këtë të drejtë, sërish sot ky panel në mënyrë artificiale dhe në interpretim të ngushtë ia mohoi të drejtën për numërimin e votës qytetarëve tanë që jetojnë jashtë vendit. Lëvizja Vetëvendosje do ta dërgojë në Gjykatën Supreme apelin sërish, duke pritur që kjo çështje të zgjidhet e të numërohen këto fletëvotime”, ka shkruar ai. Sipas tij, bashkatdhetarët tanë nuk ia kanë borxh askujt këtë cenim të së drejtës së tyre bazike që buron nga Kushtetuta e Republikës së Kosovës dhe të drejtat ndërkombëtare në këtë sferë. Kujtojmë që nuk janë numëruar 4639 vota të mërgatës të cilat kishin arritur pas afatit ligjor të paraparë. Ndërsa me vendim të KQZ në Qendrën e Numërimit dhe të Rezultateve janë rinumëruar mbi 850 vendvotime.

Top Channel/ Akuza për keqpërdorime! Kuvendi i Kosovës, seancë të jashtëzakonshme me kërkesë të PDK
28/03 15:37
Top Channel/ Kosova në KiE, reagon Petkovic: Do konsiderohet gjest armiqësor ndaj Serbisë!
28/03 15:24
Top Channel/ Kurti nuk ndryshon qëndrim për dinarin: Ndihmat për serbët të vazhdojnë, por në euro!
28/03 12:56
Top Channel/ Kuvendi i Kosovës mblidhet në seancë të jashtëzakonshme me kërkesë të PDK
28/03 12:47
Top News/ Anëtarësimi në KiE. Kurti përshëndet votimin: Përfitojnë të gjithë dhe serbët
28/03 12:05
Top Channel/ Takimi i ministrave, Kroacia e Kosova thellojnë bashkëpunimin për mbrojtjen e sigurinë
27/03 21:26
Top Channel/ Kosova,një hap pranë KiE! Miratohet raporti për t’u bërë anëtare e komisioinit Europian
27/03 19:18
Top Channel/ Kramon sulmon Kurtin: Ushtria digjitale e Vetëvendosjes kufizon lirinë e shprehjes
27/03 19:15
Top News/ Kalohet pengesa e parë drejt KiE / Rekomandohet anëtarësimi i Kosovës, vendimi në prill
27/03 18:37
Top News/ NATO është fati i Kosovës / Osmani: Serbia do të na kthejë në vitet 90
27/03 16:48
Top Channel/ Osmani “rrëzon” Escobarin: Asociacioni, jo kusht për anëtarësimin në KiE!
27/03 15:27
Top News/ Nga prilli gjoba më të larta/ Ndryshon ligji për rregullat e trafikut në Kosovë
27/03 15:25
Top News/ Osmani pret Kosovën në KiE / Asociacioni nuk është kusht, bëmë gjithçka mundeshim
27/03 14:19
Top News/ Shkrepet arma në Prishtinë/ Vritet shënjestra e atentatit dhe një kalimtare e rastit
27/03 14:18
Top Channel/ Vrasje në Prishtinë, shkon në tre numri i të plagosurve! Autorët janë ende në kërkim
27/03 12:34
Top News/ Atentat 30-vjeçarit në Prishtinë/ Viktima me precedent kriminal
27/03 12:26
Top Channel/ Kosova në Këshillin e Europës, sot në Paris raporti i Bakojanit!
27/03 12:21
Top Channel/ Kosovë, mbyllen 387 biznese! Arsyet, rënia e fuqisë blerëse e konkurrenca e pabarabartë
26/03 19:50
Top Channel/ Raporti për Kosovën në KiE! Shqyrtohet nesër, priten rezultate pozitive
26/03 19:19
Top Channel/ Asambleja Parlamentare e NATO-s votë pro Kosovës, e pranon si anëtare të asociuar
25/03 22:26