Arif Lushi- Ismail Kadare, akrilik në kanavacë, 50x60 cm, viti 2024, çmimi fillestar 1500 euro. Kontaktoni në 00355686047773 Kjo vepër e Kadarësë është portreti i fundit i tij i bërë nga Arif Lushi. Portreti është bërë në Labinot para dy muajsh. Arif Lushi e punoi këtë portret si një impresion momental të piktorit përballë shkrimtarit. Piktori Arif Lushi bën pjesë në piktorët bashkëkohorë shqiptarë të ‚plain air. Krijimtaria e piktorit Arif Lushi i përket kryesisht gjinisë së peizazhit dhe të portretit. Ai ndikohet që në vitet e Liceut Artistik nga vepra piktorike e Buzës, Mios, Kolombit duke u prirur të zbulojë bukurinë e natyrës së zonës të Librazhdit e veçanërisht evidentimin e koloritit të fuqishëm të natyrës shqiptare dhe veçanërisht dritës së diellit. Gjatë viteve të studimeve të larta në AAB, Tiranë, Lushi duke pasur kontakt me literaturën dhe botimet e ndryshme mbi artin, priret të ndikohet nga impresionizmi, kubizmi e veçanërisht parapëlqen piktorët Sezan, Matisse, Picasso e Kandinski. Lushi në mbi 20 vjet krijimtari, i është kushtuar veçanërisht peizazhit. Ai në vazhdimësi ishte dhe është një piktor i natyrës shqiptare. Duke pikturuar direkt në natyrë, Lushi transmeton në tablo emocione të fuqishme nëpërmjet një penelate shprehëse ngjyrash gati të pastra me dritëhije të fuqishme që shpesh krijojnë momente grafike. Në ciklet e peizazheve të Lushit ndjehet prirja e tij drejt një tabloje ku motivi kryesor është imazhi i fshatit shqiptar të zonës, motiv ky mjaft i dashur për piktorin.