Kabinat e ndërtuara për t'u shërbyer pushuesve në zonën e "Rrotës së Kuqe", në plazhin e Durrësit, nuk përdoren për funksionin për të cilin janë ndërtuar. Investigimi i Fiks Fare zbulon se disa prej tyre janë shndërruar në magazina për rrjeta peshkatarësh, ndërsa të tjera përdoren si kafaze për pëllumba. Bashkia e Durrësit deklaron se kabinat janë pjesë e një investimi të Fondit Shqiptar të Zhvillimit (FSHZH) dhe ende nuk janë marrë në dorëzim, ndaj nuk administrohen nga pushteti vendor. Ndërkohë, Fondi Shqiptar i Zhvillimit bën me dije se projekti nuk është dorëzuar ende përfundimisht. Sipas institucionit, procedurat për marrjen në dorëzim të objektit nuk kanë përfunduar, çka shpjegon edhe mungesën e administrimit të kabinave nga strukturat vendore.