Kur i prezantoi për herë të parë raketat Kinzhal në 2018-tën, Vladimir Putin nuk e fshehu aspak krenarinë që i ngjallte shpalosja përpara syve të botës e asaj që shefi i Kremlinit e përshkroi si “arma idelae”. Një raketë që fluturon deri ne 10 herë më shpejt se tingulli i zërit, e që është tmerrësisht e vështirë për t`u pikasur nga sistemet anti-ajrore. Raketa supersonike e pagëzuar Kinzhal, apo Kama, ishte krejtësisht e aftë sipas tij edhe për sulme bërthamore. Putini i ilustroi deklaratat e tij në atë rast edhe me disa video të animuara që tregonin prototipe armësh, përfshirë raketën cruise me kapacitet nuclear e cila teorikisht kishte një rreze të pakufizuar veprimi. Ajo shihej duke rrëshqitur mes mbrojtjeve kundërajrore në Oqeanin Atlantik përpara se të kalonte bregun pranë Amerikës së Jugut e t`i drejtohej vijës bregdetare të Kalifornisë. Aty, videoja bëhej e zezë. Mesazhi i Putinit ishte i qartë. Rusia e kishte zhvilluar shumë arsenalin e saj i rezultat i tërheqjes së SHBA-së nga traktati i vitit 1972 për raketat antibalistike të nënshkruar me Bashkimin Sovjetik.