Nga poshtë kapelës së bejsbollit, të veshur mbrapsht por të ulur shumë, sytë e tij vështrojnë të mbushura me një dyshim djallëzor. Ruhet nga kamerat e sigursë e sheh me nervozizëm majtas, djathtas e pastaj kthen pak kokën duke hedhur një vështrim mbi supe. Papritur, 30 e ca vjecari bën me gisht nga cepi i restorantit, pranë një dritareje. Ulemi. Së pari, konfirmon rregullat bazë. Në asnjë rrethanë nuk duhet të identifikohet dhe asnjë foto nuk mund të publikohet pa lejen e tij. E kundërta, do të rezultonte në vdekje të sigurtë. Nëse unë e ha fjalën? Atëherë, kuptova shpejt se edhe vetë jeta ime do të ishte në rrezik. Gazetarit të Daily Mail, Stephen Wright iu desh vetëm ky përshkrim i bërë takimit me një narkos në Ekuador për të treguar se me cfare niveli rreziku përballej si personi që kishte vendosur të rrëfehej përpara tij, ashtu edhe vetë korespondenti që po kërkonte të kridhej në botën e errët të krimit dhe drogës në vendin e varfër të Amerikës Latine për t`i treguar më pas botës atë që nuk arrijmë të shohim prej saj.