Shkurtin e këtij viti, Emmanuel Macron shpalosi një vizion të ri të tij për partneritetin me Afrikën. “Franca kërkon të ndjekë një politikë të jashtme me palën afrikane e cila të ngrihet mbi pozita më të barabarta”; ky ishte thelbi i qasjes së re të shefit të Elizesë, që kërkoi të tregonte se dashamirës dhe mendjehapur, vendi i tij synon t`i japë një frymëmarrje tjetër relatave me shtetet afrikane, më bashkëkohore e ku të mbizotërojë respekti i ndërsjellë. Kjo kthesë e tij në fakt, nuk mund të quhet saktësisht “një risi”. Që gjatë një turi diplomatik në Burkina Faso nëntorin e 2017-tës, presidenti francez kishte theksuar nevojën që dy palët të njohin historinë e tyre të përbashket dhe t`i cojnë në një dimension tjetër marrëdhëniet e tyre. Në fjalimin e vet të zjarrtë megjithatë, Macron e pohoi për cudinë e shumëkujt, se Franca nuk kishte më një strategji të rëndësishmë mbi diplomacinë e saj në këtë kontinent.