“Europa nuk do të bëhet brenda natës, e as me një plan të vetëm. Europa do të ndërtohet përmes arritjesh konkrete, të cilat së pari do të krijojnë një solidaritet de facto”, thoshte Robert Schuman. Krijimi i Bashkimit Europian pas dekadash të tëra luftrash shkatërruese ishte padyshim një mrekulli politike. Tani, Schumanit do t`i duhet dhe një mrekulli tjetër, pak më tokësore dhe ky i krishterë model në jetën private, do të jetë jo vetëm Babai i bashkimit europian, sic e njohin sot, por edhe një shenjtor. Por përse e meriton ai këtë lloj lartësimi? Për ata që u befasuan nga lajmi se Papa Francesk e ka vendosur Schumanin në rrugën e shenjtërimit në Kishën Katolike, shpjegimi i fondacionit francez “Institut Saint-Benoit”, është mëse e i mjaftueshëm.