Hamendësimeve që vazhdojnë prej disa kohësh, një zhvillim i fundit i dha hov të ri, që në sytë e disave ishte gati përligjje e dyshimeve të hershme. Është folur prej kohësh për mundësinë e një përfshirjeje të njërit prej grupeve më famëkeqe paraushtarake rus në Kosovë në rastin e një përshkallëzimi të situatës. Vizita që zhvilloi ultranacionalisti serb, Damjan Knezheviq, në selinë e re të grupit të njohur për lidhjet e ngushta me Kremlinin, po shihet si prova se serbët dicka po gatuajnë me rrjetin e mercenarëve Vagner, të përshkruar ndryshe si ushtria private de facto e presidentit rus Vladimir Putin.