“Kjo është e vërtetë, eh? Bëni prapa, lëvizni”; në panairin e armëve Milipol në Paris, Eric Zemmourit i shkoi dora tek një pushkë snajper. Dikush tjetër, as me shaka nuk do të guxonte ta merrte armën në dorë e dhe t`ia drejtonte gazetarëve rreth e rrotull. Por është e qartë tashmë se moderatori televiziv me pikëpamje që anojnë nga ekstremi i djathtë, nuk është si të gjithë të tjerët. Ndaj atij vetë nuk i bëri përshtypje kur si në një skenë filmi në të cilin të ishte vetë protoganisti absolut, shënjestroi duke qeshur reporterët qe kishte prane. Kush eshtë Eric Zemmour, kandidati i pavarur 63 vjecar në presidencialet franceze, që urren shtypin, është një radikal anti-emigrantëve me bindjen e plotë se islami nuk ka vend në Francë, dhe që po kthehet ngadalë në një rrezik jo të vogël për Emmanuel Macron!