“Nje e injektojmë këtë në venat e pacientëve tanë, dhe në më pak se një minutë, ata largohen, bien në gjumë dhe vdesin. Pa vuajtje, pa dhimbje”, thoshte për BBC mjeku Yves de Locht. Kaq thjeshtë e shikonte ai eutanazinë. Por bota duket nuk është ende e përgatitur për të. Vetëm një grusht vendesh e kanë aprovuar zyrtarisht. Megjithatë, ideja se vdekja mund të jetë edhe e mërshirshme, ka nisur të gjejë terren tjetër. Dilema agonizuese morale: a është e drejtë t`i jepet fund një jete njerëzore, qoftë ajo e një të sëmuri terminal që lëngon mes dhimbjesh, po i afrohet edhe zemrës së katolicizmit botëror, Italisë. Në cilat rrethana mund të justifikohet eutanazia? A ka një dallim moral ndërmjet të vrarit të dikujt dhe ta lësh atë të vdesë?