Shefi i Kremlinit ndihet sot më i sigurtë për rezultatin e fushëbetejës në Ukrainë; ushtria e Kievit nuk duket aktualisht se është në gjendje të rimarrë territore. Pas dështimit të kundërofensivës, problemet erdhën vetëm duke u shtuar: tanket perëndimore mbërritën shumë vonë, mbështetje efikase ajrore ende nuk ka, furnizimet me municione janë drejt fundit dhe në horizont, nuk shihet ende asnjë gjurmë që të tregojë mundësine e zhllokimit të ndihmës nga Kongresi amerikan. Gjithmonë e më shumë ekspertë po ngrenë zërin të shqetësuar se pa një shfaqje të re mbështetjeje të fortë për Ukrainën nga Perëndimi, Rusia edhe mund ta fitojë luftën, më së voni vitin e ardhshëm. Dhe ajo cfarë mund të pasojë, është tronditëse.