Kur në Europë nisën të shfaqen njëri pas tjetrit raste mpiksjesh të gjakut pas administrimit të vaksinës së AstraZeneca-s, e disa prej tyre rezultuan edhe fatale, kaq mjaftoi që të niste paniku. Vende si Danimarka, Norvegjia, Islanda e Gjermania vendosën të mos rrezikonin, por ta ndërprisnin vaksinimin derisa situata të sqarohej. Berlini I dha më pas dritë jeshile përdorimit të kësaj vaksine, vetem se tani jo më për moshat nën 60 vjec, pasi trombozat po viheshin re tek më të rinjtë. Deklaratat e EMA-s se vaksina është e sigurtë, mjaftuan për të bindur qeveritë, jo njerëzit. Në Britani sakaq, shumë zëra pretendojnë se vaksina nuk ka problem, por e gjithë kjo sipas tyre është një luftë që Brukseli po i bën Anglisë për të minuar “suksesin e Brexit-it”. Si qëndron e vërteta? Eshtë kjo një lojë e sofistikuar politike apo AstraZeneca dëmton vërtet?