Mediat amerikane raportuan me shqetësim së fundi pohimet e dy oficerëve të lartë të shërbimit secret, të cilët folën në kushte anonimati, por mesazhin e përcollën fort e qartë. Sipas tyre, komunikimet e përgjuara nga Agjensia e Sigurisë Kombëtare tregonin se Garda Revolucionare iranianen kishte diskutuar organizimin e sulmeve të stilit “Uss Cole” kundër bazës ushtarake Fort McNair pranë kryeqytetit. Arsye për t`u vënë në lëvizje kishte. Sulmi kamikaz I vitit 2000 ndaj luftanijes amerikane USS Cole në portin e Adenit në Jemen, I kushtoi jetën 17 marinsave dhe dëshmoi cënueshmerinë përballë mësymjeve të tilla të cilat edhe pse jo të mëdha në përmasa e organizim, mund të shkaktojnë shumë dëm. Shërbimet e inteligjencës nuk u mjaftuan me kaq. Sipas tyre, iranianët kishin vënë në shënjestër edhe zv/shefin e shtabit të përgjithshëm, gjeneralin Joseph M. Martin. Plani ishte të nisnin fillimisht nga infiltrimi dhe mbikqyrja e bazës.