Greqia mbyll gjatë natës Kakavijën/ Prej 16 gushtit kush kthehet nga Shqipëria izolohet për 7 ditë

Qeveria greke ka vendosur që prej ditës së mërkurë (5 gusht) e në vazhdim, dogana e Kakavijës do të mbyll kufijtë për të gjithë kalimtarët, çdo mbrëmje, duke filluar nga ora 23:00 dhe deri në orën 7 të mëngjesit të ditës së nesërme. Dhe duke filluar nga ora 00.01 e datës 16 gusht, dhe në vazhdim, kushdo që kthehet nga Shqipëria do të karantinohet për 7 ditë. Nga dita e hënë, në doganën e Kakavijës do të vendosen ekipe të ushtrisë dhe të prefekturës të Janinës, të cilat do të kryejnë teste tek kalimtarët në pikën e Kakavijës. Synimi është të ketë sa më shumë teste në pikat e hyrjes. Njoftimin e bëri të ditur epidemiologu Sotiris Ciodras së bashku me ministrin i Mbrojtjes Civile, Nikos Kardalias.