Prestigjiozja “CNN” ka publikuar një listë prej 11 fotosh më të mira për nga arkitektura të vitit 2019. Aty nuk ka munguar edhe një shkrepje tejet interesante nga “Sheshi Skënderbej” ku duken qytetarë të ulur në stola duke lexuar e diskutuar me njëri-tjetrin. Gjithnjë e më shumë Shqipëria dhe veçanërisht transformimi që po pëson Tirana po zë hapësira në revistat më të njohura të botës. Transformimi që ka pësuar qyteti brenda një kohe të shkurtër falë investimeve të reja të Bashkisë, e kanë kthyer Tiranën një qytet interesant për ta vizituar dhe (mbi të gjitha) për të jetuar.