Një video e publikuar nga familja dhe avokatët e 25-vjeçarit italian Matteo Falcinelli ka shkaktuar tronditje në Itali. Më 25 shkurt, Falcinelli vizitoi një klub ku tha se kishte pirë dy kokteje dhe kishte parë një strip show. Më pas, sipas avokatit të tij, ai kuptoi se dikush i kishte vjedhur dy celularët dhe sende personale nga xhaketa. Pas tensionit me pronarët e dyqanit, Falcinelli doli në rrugë, ku po e priste policia. I irrituar, siç raporton shtypi italian, ai i kërkoi policisë amerikane që të merreshin masa për të rimarrë celularët, ku kishte edhe kodet e llogarisë bankare.