Një shtetas spanjoll është arrestuar pasi u kap me tetë valixhe të mbushura me kanabis në aeroportin e Mançesterit. Pas mbërritjes në aeroport të mërkurën, më 1 maj, nga Los Angeles në SHBA, oficerët e Forcave Kufitare Heathrow në Londër gjetën 278 pako në tetë çanta të veçanta të Fernando Jacobo Mayans Fuster. Një pjesë e çantave ishin në emrat e fëmijëve të tij, të cilët po udhëtonin me të. Në total u gjetën më shumë se 158 kilogramë kanabis, i cili do të kishte një vlerë prej rreth 1 milion paund nëse do të shitej në Mretërinë e Bashkuar. Pasi u intervistua nga hetuesit e Agjencisë Kombëtare rë Krimit, 51-vjeçari u akuzua për importimin e lëndës narkotike. Oficeri i lartë hetues i NCA-së, Charles Lee, tha se kjo ishte një nga konfiskimet më të mëdha të kanabisit të parë në Aeroportin e Mançesterit në vitet e fundit.