Singer and Beethoven, media mikse në kanavacë, 69x 101 cm, cmimi fillestar 3000 euro.Artisti Gorishti është një personalitet shqiptar që i përket disa fushave të artit. Por në fushën e arteve pamore ai ka qendruar i ndikuar nga një krijimtari figurative, ekspresive dhe tematike si e përditshmja e njeriut, vetidentiteti dhe dashuria. Artur Gorishti e konsideron krijimtarinë e tij një ushqim shpirtëror. Rëndësia e një vepre arti lind atje ku një tjetër vepër nis rrugën e vet- Suzana Varvarica. Sipas autorit filmi është kryevepër, por është piktura ajo që e çlodh. Artur Gorishti numëron disa role që i kanë falur shumë vlerësime. Përmendim këtu interpretimet e tij në filmat "Slogans" ("Parullat"), i cili ka fituar çmimin e rinisë në "Kanë" dhe në filmin "Gjoleka, djali i Abazit". Disa nga filmat e tjerë ku ka interpretuar aktori i njohur janë edhe “Letra fatale”, “Yllka” 2005, “Tirana, viti zero” - (2001) si Tare, skulptori, “Unë ti dhe Kasandra” - (1999) , “Vitet e pritjes” - (1990), Leko, “Eja!” - (1987), “Në emër të lirisë” - (1987), “Kronikë e atyre netëve” - (1986) , “Dora e ngrohtë” - (1983), etj.