139 mln lekë gjoba për maskat/ Në dy javë vendosen 13 651 gjoba për subjekte politike, lokale dhe qytetarë

Dy javë pas ultimatumit të kryeministrit Rama dhe rikthimit të policisë me më shumë kontrolle, 13.651 janë gjobitur për shkelje të masave anti covid, me gjithsej 41 milionë lekë të reja. 48 lokale, bare dhe restorante me një vlerë prej 48 milionë lekësh dhe 10 politikanë me gjoba që shkojnë në 50 milionë lekë të reja. Të gjitha këto gjoba do të mblidhen nëpërmjet faturave të energjisë elektrike si kjo që unë kam në dorë. Personi i gjobitur pak javë më parë, gjobën prej 3 mijë lekësh për mos-mbajtjen e maskës do e paguajë bashkë me dritat. Por jo të gjitha gjobat mund të mblidhen me anë të faturave të energjisë.