Rreth 3 km larg qytetit të Belshit në fshatin rrasë, teksa punonin tokat e tyre, banorët kanë rënë në gjurmët e rrënojave që mendohen t’i përkasin një qyteze antike. Sipas arkeologëve, pjesa e zbuluar duket se është një stacion qëndrimi përgjatë rrugës Egnatia, por gërmimet e mëtejshme do të hedhin dritë mbi zbulimin. Instituti i Monumenteve ka nisur punën për dokumentimin e objektit, ndërsa Bashkia e Belshit e ka vënë në ruajtje me shpresën se zbulimi do të kthehet në destinacion të turizmit kulturor.