Vullkani, print/ pikturë digjitale, 42x60 cm, cmimi fillestar 500 euro. Jeta dhe qenia humane janë evoluar në simbiozë me planetin. Ciklet e Tokës dhe të klimës së brishtë, jo stabël, shëmbëllejnë karakteristikat e trupit dhe psikologjisë njerëzore. Si një vullkan që ‘fle’ apo si një përplasje tektonike, ne përjetojmë rrugëtimin tonë në hapësirë dhe kohë, me përmbushje shpirtërore apo ngarkesë emocionale. Momenti i shpërthimit të llavës propozohet në këtë punë artistike nëpërmjet një ndërthurje unike penelatash digjitale të krijuar, shtresëzuar dhe miksuar së bashku nga vetë artisti për të na dhënë mbresën e lumit të nxehtë të gurit të shkrirë përmes peizazhit të errët. Gjendjen fizike, e përfaqësuar nga rrjedhja e llavës materiale kundër-peshohet nga ana kompozicionale prej lëvizjes surreale të një llave qiellore që ngrihet lart në përpjekje të udhëtimit shpirtëror. Ashtu si Toka merr frymë përmes mushkërive të qenies njerëzore, gjendja emocionale dhe fizike është materializuar nëpërmjet llavës gjithëpërfshirëse.