Orët e para të së dielës u regjistrua një zjarr në pallatin e Rinisë në Prishtinë dhe shkak, sipas zjarrfikësve, ka qenë një qark i shkurtër në kabllot e energjisë elektrike. Behar Shala, drejtues i ekipit të zjarrfikësve, tha zjarr mund të kishte marrë përmasa shumë herë më të mëdha, por ata ia dolën ta ndalnin. “Ne me këta zjarrfikësa arritëm ta ndalim një zjarr i cili mund të merrte përmasa te mëdha dhe të na dilte prej kontrolli. Frika ime e vetme ka qenë a do të mund ne të lokalizojmë... mirëpo ne sot ia dolëm me këta heronj, koleget e mi edhe e kemi bërë një punë shumë të mire, por mos të harrojmë me falënderu edhe sigurimin, i cili na ka tregoi vendin e ngjarjes edhe pse kishte bukur shumë tym, mirëpo ata na e dhanë ndihmesën më të madhe të mundshme duke na drejtuar te vatra e zjarrit”