KF Elbasani zhduket nga radarët e futbollit shqiptar. klubi legjendar, pas 109 vitesh histori shkrihet përfundimisht për shkak të problemeve të mëdha financiare që iu krijuan sidomos pas ndarjes nga jeta te presidentit të tij, Arben laze. Pavarësisht përpjekjeve të tyre, familjarët e Arben lazes nuk mundën dot të ruanin ekzistencën e një prej klubeve më të njohur në shqipëri, fitues i 5 trofeve në historinë e tij, por që sezonin e kaluar e mbylli në mesin e klasifikimit të Grupit A në Kategorinë e Dytë. Gjithsesi qyteti i Elbasanit do të vazhdojë të ketë ekip futbolli, pasi vitin e kaluar Bashkia krijoi Akademinë e Futbollit Elbasani me financimet e saj dhe që do të drejtohet nga Gentian stojku. do të jetë pikërisht kjo skuadër që do të jetë në Kategorinë e Dytë për sezonin e ri, kalendari i të cilës është publikuar nga Federata Shqiptare e Futbollit, me AF Elbasanin që do të jetë në Grupin B të kësaj kategorie.