Presidenti ukrainas Volodimir Zelenski tha se ai kishte patur bisedime të sinqerta me kryeministrin hungarez, Viktor Orban, në prapaskenat e inaugurimit të presidentit të Argjentinës, Javier Milei, të dielën. “Ishin bisedime nga më të sinqertat e mundshme, dhe sigurisht, folëm për cështjet tona evropiane”, tha Zelenski në mesazhin e përnatshëm video të tij, të postuar në kanalin telegram. Takimi erdhi ndërkohë që Orban po kërcënon të bllokojë më shumë ndihma financiare të Bashkimit Evropian për Kievin si edhe kundërshton anëtarësimin e ukrainës në bllok. Në të njëjtën kohë, edhe shtëpia e bardhë po intensifikon përpjekjet e saj për Kievin pasi republikanët kanë bllokuar ndihmat e reja ushtarake për të. Zëdhënësi i Orban konfirmoi takimin me zelenskin në një email që nuk jepte asnjë detaj më shumë nëse lideri hungarez do të vazhdonte apo jo të kundërshtonte anëtarësimin e Ukrainës në BE. “Për sa i takon anëtarësimit të Ukrainës, Viktor Orban sinjalizoi se numri i shteteve anëtare të BE-së është një cështje në diskutim e sipër”, tha zëdhënësi.