Presidenti amerikan Joe Biden ka ftuar Volodimir Zelenskin në shtëpinë e bardhë, të martën, pasi administrata e tij paralajmëroi se po mbaron paratë për ukrainën ndërkohë që ligjvënësit amerikanë kanë bllokuar ndihmat e tjera në kongres. Dy liderët do të diskutojnë për nevojat urgjente të ukrainës ndërsa lufta me rusinë vazhdon. Presidenca ukrainase tha se takimi do të fokusohet tek cështjet kyce si bashkëpunimi i mëtejshëm në fushën e mbrojtjes mes ukrainës dhe SHBA-së, vecanërisht përmes projekteve të përbashkëta për prodhimin e armëve dhe sistemeve ajrore të mbrojtjes, si edhe për përpjekjet e koordinimit mes dy vendeve në vitin në vijim. Senatorët republikanë, javën e kaluar bllokuan 106 miliardë dollarë ndihma emergjence, kryesisht për Ukrainën dhe izraelin, pasi konservatorët kërkuan masa më të rrepta në kufirin me meksikën. Rreth 60 miliardë dollarë nga kjo shumë do të shkonin për ukrainën, duke iu shtuar kështu 111 miliardë dollarëve që ka marrë deri më tani nga SHBA. Presidenti Biden ka paralajmëruar se ndalja e ndihmave për Ukrainën do të conte në fitoren e putinit i cili nuk do të ndalej më pas kësaj dhe mund të sulmonte edhe një vend të natos. Kjo do të conte në një përballje ushtarake mes SHBA-së dhe Rusisë...Shtëpia e bardhë tha se takimi i të martës vjen në një moment të rëndësishëm ndërsa rusia ka intensifikuar fushatën e saj të sulmeve me raketa dhe dronë mbi ukrainë.