Tre ambiente të përshtatura për kultivimin dhe tharjen e bimëve narkotike u zbuluan nga policia në Malësi të Madhe. Kjo është njëra nga banesat ku efektivët e forcave shqiponja zbuluan qindra rrënjë kanabisi. Aksioni I koduar “Neonët” u zhvillua në fshatin Hot pas informacioneve të siguruar në rrugë operative. Gjatë operacionit u arrestuan dy persona dhe u shpall në kërkim një tjetër, Në pranga përfunduan dy kushërinjtë Lazer dhe Sander Pepaj përkatësisht 69 dhe 48-vjeç dhe u shpall në kërkim Kristjan Pepaj, 33-vjeç. Të tre banues në fshatin Lulashpepaj. Ndërkohw u ndaluan po ashtu edhe punonjësit e OSHEE, Gëzim Hoxha, Lodovik Vulaj, Xhuljano Çeraj dhe Adil Selmanaj, ndërsa u proceduan për shpërdorim detyre dy të tjerë. Ata dyshohet se kanë lejuar lidhje të paligjshme të energjisë elektrike në tre ambientet e përshtatura për kultivimin e bimëve narkotike.