Shiu i meteorëve Perseid, ka ditë që ofron magji në qiellin e natës, por arrin kulmin këtë javë. Ai kosniderohet një nga spektaklet më të mira të vitit dhe ndodh kur toka përplaset me materialet e mbetura nga një kometë. Perseidët janë aktivë që nga mesi i korrikut dhe do të arrijnë kulmin gjatë natës mes të hënës dhe të martës. Megjithatë, ekspertët thonë se nuk do të ketë një rritje dramatike në shikueshmëri. Ata këshillojnë që sytë të drejtohen nga lindja në qiell dhe të shihen ata me cepin e syrit, pasi shikimi periferik është më i ndjeshëm në kushtet e ndricimit të ulët se sa shikimi qendror. Më i bukur spektakli do të jetë në hemisferën veriore. Shiu i meteorëve perseid, ndodh kur toka përplaset e materialin e mbetur nga kometa 109P/Sëift Tuttle, ndërkohë që planeti ynë lëviz rreth diellit. Kur fragmentet, shpesh jo më të mëdha se një kokërr rërë, godasin atmosferën, ajri para tyre bëhet i ngjeshur, duke gjeneruar nxehtësi dhe duke shkaktuar djegien e fragmenteve. Rezultati është shfaqja e vijave të ndritshme në qiell. Kometa 109P/Sëift Tuttle është në një orbitë të madhe rreth diellit, që zgjat 133 vjet. Gjatë kalimit të saj ajo lë pas mbetje me të cilat toka përplaset cdo vit. Kjo bën që shiu i meteorëve të përsëritet në të njëjtën kohë, në të njëjtën pjesë të qiellit, cdo vit. E për të parë sa më shumë yje që bien, sic quhen shpesh meteorët që përzhiten në qiell, ekspertët këshillojnë që të ngrenë sytë lart gjatë natës në një zonë të errët, larg dritave të rrugës.