Aleksandër Vuçiç thirri me shpejtësi një mbledhje të këshillit të sigurisë kombëtare pas sulmeve terroriste të së premtes në Moskë. Vuçiç nuk dha shumë detaje, por tha se ka një sërë arsyesh se përse e thirri mbledhjen e këshillit dhe shtoi se përveç masave të përforcuara do të propozojë edhe disa ligje të reja për sigurinë e vendit. Ndërkohë, në lidhje me përqëndrimin e trupave serbe pranë kufirit me Kosovën, Vuçiç tha se Serbia nuk është duke u përgatitur për luftë, ndërsa modifikoi një deklaratë të mëhershme, kur nënkuptoi se Serbia do të presë momentin e duhur për të ndërhyrë ushtarakisht në Kosovë.