Presidenti serb Aleksandër Vuçiç mori 13 vendime për të falur protestues të ndaluar gjatë protestave masive që kanë përfshirë qytetet e Serbisë. Vendimi vjen dy ditë pasi president i serb njoftoi se do të falte studentët e arrestuar edhe pse ka dyshime se ata kanë kryer vepra penale. Në total u falën 6 studentë, një dekan fakulteti dhe disa drejtorë shkollash. Në një deklaratë të lëshuar nga zyra e presidentit, thuhet se faljet janë dhënë për të gjithë ata që janë arrestuar dhe akuzuar për pjesëmarrje në protestat që kanë ndodhur në Beograd, Novi Sad dhe qytete të tjera në Serbi. Ata akuzoheshin kryesisht për shkelje të rendit publik si dhe për dëmtim të pronës publike e private gjatë protestave. Vendimet për falje janë dorëzuar Ministrisë së Drejtësisë për procedurat e mëtejshme, thuhet në njoftimin e Presidencës. Valët e protestave, të cilat kanë nxjerrë në rrugë dhjetëra mijëra qytetarë, u nxitën nga shembja e strehës së rinovuar të Stacionit Hekurudhor më 1 nëntor, ku humbën jetën 15 persona dhe dy të tjerë u plagosën rëndë.