Pas deklaratave të bëra nga kryeministri kroat, Andrej Plenkoviç se Serbia është në prag të një lufte civile, ka ardhur dhe reagimi I presidentit serb Aleksandër Vuçiç. Ai i ka quajtur ato si “keqdashëse” dhe të “qëllimshme”, pasi sipas tij, synojnë të dëmtojnë imazhin e Beogradit në botë. “Nuk do të ketë asnjë luftë civile në Serbi. Serbia do të vazhdojë të rritet me shpejtësi të madhe”, tha Vuçiç të martën para gazetarëve pas takimit që pati me presidentin rus Vladimir Putin. “Serbia do të vazhdojë të jetë gjithnjë më e suksesshme pavarësisht përpjekjeve të mëdha të Kroacisë, si ato zyrtare ashtu edhe jozyrtare, jo vetëm që të mos përparojë, por edhe të kthehet në të kaluarën e largët, kur disa presidentë serbë i serviloseshin dhe u kërkonin falje atyre që përzunë serbët”, theksoi udhëehqësi serb. Por ndërsa I quajti si dashakeqse qëndrimet e kryeministrit kroat, presidenti Vuçiç tha se Beogradi do të vazhdojë tia shtrijë dorën Kroacisë pavarësisht këtyre retorikave. Kryeministri kroat I bëri deklaratat gjatë Forumit Strategjik të Bledit, ndërkohë Vuçiç u përgjigj nga Pekini.