Presidenti i Serbisë, Aleksandar Vuçiç ftoi opozitën që të kërkojë mbajtjen e një referendumi këshillues për të parë mbështetjen e qytetarëve. Përmes një videoje të publikuar në Instagram, Vuçiç tregoi të dhënat e sondazhit të Qendra Joqeveritare për Hulumtim, Transparencë dhe Përgjegjësi, nga ku të dhënat tregonin se 52% e qytetarëve do të votonin kundër tij. "Nëse këto pohime të CRTA-s janë të sakta, për mua është e pamundur të qëndroj në postin e presidentit të Serbisë. Prandaj, është e nevojshme që partitë opozitare të dorëzojnë vetëm 67 nënshkrime [të deputetëve] – dhe ata kanë më shumë se 80 – për të kërkuar mbajtjen e një referendumi këshillues për presidentin e Serbisë", tha Vuçiç. Por për partinë opozitare Liri dhe Drejtësi deklarata e Vuçiç është një grep për të forcuar pushtetin. “ky grep i regjimit është një përpjekje për të organizuar një referendum pa përmbushur kushtet zgjedhore, për të sjellë përsëri votues të rremë dhe për të bërë fushatë të papenguar në të gjitha televizionet që janë nën kontrollin e regjimit”, shkroi kjo forcë politike në X.