Presidenti serb Aleksandër Vuçiç ka bërë gati ushtrinë për luftë, ndërsa ka përcaktuar shqiptarët dhe kroatët si armiq. Në një takim me drejtuesit e lartë të Ministrisë së Mbrojtjes dhe Forcave të Armatosura Serbe, Vuçiç dha e quajti sërish kërcënim aleancën ushtarake mes Tiranës, Prishtinës e Zagrebit ndërsa urdhëroi ngritjen e një batalioni të dronëve sulmues me rreze të gjata veprimi dhe municioneve të lëvizshme. “Si Komandant Suprem i Forcave të Armatosura Serbe, propozova zhvillimin dhe miratimin e një strategjie robotizimi, formimin e një njësie në nivel batalioni të pajisur me platforma robotike, zbatimin e përgatitjeve organizative për formimin e një divizioni dhe batalioni të dronëve sulmues me rreze të gjatë veprimi dhe municioneve të lëvizshme, trajnimin e njësive speciale dhe të zbulimit për të përcaktuar koordinatat e objektivave për drejtimin e zjarrit të artilerisë dhe aviacionit, si dhe pajisjen dhe trajnimin e mëtejshëm të njësive të tjera për përdorimin e dronëve”., tha Vuçiç. Ai shtoi gjithsahtu se ka bërë porosi të mëdha luftarake për të shtuar rezervat e materialeve të luftës. “Serbia do të ketë aftësi të tilla saqë asgjë nuk do të jetë në gjendje që t’i shpëtojë kapaciteteve të saj, përfshirë dhe ata që furnizojnë avionët e huaj në distanca të largëta nga Beogradi”, tha ai.