Damiano Toshi i akuzuari kryesor për vrasjen e Sokol Jahollarit dhe Rafael Rizait, dy basketbllistëve të ekipit të “Skënderbeut” në Korcë, është një nga emrat më të njohur në botën e krimit. Toshi është dënuar me burgim të përjetshëm për krimin e rëndë, të 3 shtatorit të vitit 2004, mirëpo cështja e tij do të rigjykohet edhe njëherë. Ky vendim është marrë nga Gjykata e Lartë, e cila ka vendosur të rrëzojë dënimin me burg përjetë ndaj Damiano Toshit, dhe të kthejë për rigjykim në fazën fillestare çështjen penale. Gjykimi ka nisur një muaj më parë, në gjykatën e Elbasanit, ndërsa pritet që në sallën e gjyqit të thirren edhe dëshmitarët e kësaj dosje penale. Lidhur me këtë ngjarje janë dënuar dhe dy persona, Gjergji Bregu dhe Vasi Strati. Por në të njëjtën gjykatë, pritet të fillojë dhe një gjykim tjetër, për vëllain e Damiano Toshit, Mihal Toshi, i cili është arrestuar në Greqi për llogari të prokurorisë së Elbasanit, dhe pritet të ekstradohet në Shqipëri për llogari të shtetit shqiptar. Ky i fundit do të ballafaqohet me akuzën e “Vrasjes me paramendim” kryer në bashkëpunim ndaj biznesmenit Ilir Rexhepi. Ky i fundit u ekzekutua me armë zjarri për llogari të një grupi të fuqishëm kriminal në Elbasan. Burimet bënë me dije se njëri nga autorët ka qenë Mihal Toshi, ku këtij të fundit i dhanë fjalën se do ti lironin vëllain Damiano Toshin nga burgu, në qoftë sëe vret Rexhepin. Rexhepi u vra 18 përpara se në gjykatën e Elbasanit të jepej vendimi burg i përjetshëm për Damiano Toshin. Tashmë mbi dy vëllezërit rëndon akuza e vrasjen së tre personave.