Komisioneri Shtetëror i Zgjedhjeve miratoi këtë të enjte rregullat teknike të administrimit nëpërmjet Platformës Elektronike të Regjistrimit. Platformë kjo që do të shërbejë për regjistrimin e zgjedhësve nga jashtë territorit të Republikës së Shqipërisë. Vendimi parashikon rregulla të përgjithshme sa I takon shfaqjes së vullnetit të zgjedhësve nga jashtë vendit që duan të ushtrojnë të drejtën e votës në zgjedhjet parlamentare të vitit 2025. Ata duhet të paraqesin një kërkesë individuale për eregjsitrim përmes Platformës Elektronike të Regjistrimit (PER). Gjithashtu, parashikohen rregullat e posaçme tekniko-proceduriale që lidhen me krijimin, administrimin dhe funksionimin e “PER”, si dhe rregullat teknike të shqyrtimit të kërkesave të shqiptarëve që jetojnë jashtë vendit. Platforma do të jetë në versionin desktop dhe atë mobile pa u kushtëzuar nga lloji I pajisjes që do të përdorë zgjedhësi. “PER” do të ketë dy module kryesore: atë të regjistrimit dhe atë të shqyrtimit të kërkesave, të cilët do të mundësojnë një proces të sigurt dhe të besueshëm për menaxhimin e kërkesave për regjistrim.