Nis me një barazim 1-1 aventura e Renato Arapit si trajner, me Teutën që kishte ndryshuar pak nga ajo e Edi Martinit dhe që bëri shumë pak për të marrë fitoren, ndonëse pati epërsi numerike përreth pjesen me te madhe te ndeshjes.Sfida për shkodranët u veshtiresua qe ne minutat e para , pasi sulmuesi kroat Ante Aralica kreu një faull të panevojshëm në mesfushë, duke u ndëshkuar me karton të kuq pas ndërhyrjes së VAR-it dhe duke lënë të tijtë me 10 futbollistë për më shumë se një orë lojë.Por ndonëse me një lojtar më pak, ishin pikërisht kuqeblutë qe administruan mjaft mirë pjesën e parë, duke shkuar në dhomat e zhveshjes me rezultatin 0-0. Teuta e nisi me ritem te larte pjesën e dytë dhe gjeti golin me Georgiev në minutën e 55-të.Më pas kontrollin e lojës e morën shkodranët, që pasi i shkuan ne raste shume prane golit, fillimisht me Da Silvën e më pas me Hoxhajn, gjetën golin e barazimit me Latifin në minutën e 70’, nëpërmjet një aksioni model, ku morën pjesë disa lojtarë.Deri në fund pati shumë pak mundësi shënimi dhe vërshëllima finale la në fuqi barazimin 1-1, me dy skuadrat që ndajnë nga një pikë, por që duket si fitore për shkodranët, duke qenë se luajtën për minuta të tëra me një lojtar më pak.