Një dramë e vjetër familjare në ishullin e Kretës ka treguar se hakmarrja vijon ende të lërë gjurmë. Një 54-vjeçar vrau me armë zjarri një 20-vjeçar në zonën e Amoudaras, në Iraklio, duke e konsideruar atë përgjegjës për vdekjen e djalit të tij, tre vite më parë, pas një aksidenti rrugor. Sipas dëshmive, autori i kishte zënë pritë viktimës. I bllokoi rrugën me makinë dhe hapi zjarr ndërsa i riu ndodhej ende brenda automjetit. Viktima tentoi të largohej duke vrapuar, por 54-vjeçari e ndoqi dhe vijoi të qëllonte, duke e lënë të vdekur pak më vonë në një ambient me dhoma me qira. Menjëherë pas krimit, autori u vetëdorëzua në Komisariatin e Policisë. Ngjarja lidhet me një aksident të ndodhur në vitin 2023, ku djali 17-vjeçar i autorit kishte humbur jetën pas disa ditësh në spital. Që prej asaj kohe, 54-vjeçari e konsideronte 20-vjeçarin që drejtonte automjetin me të cilin u përplasën bashkë më shokun e tij, përgjegjës për tragjedinë.