Ermira Tafani dhe Armanda Xhaferri kanë dorëzuar në Këshillin e Lartë të Prokurorisë dorëheqjen nga funksioni si prokurore pranë Prokurorisë së Elbasanit. Ende nuk dihet nësë largimet e tye lidhen apo jo me vettingut apo nëse arsyet janë të tjera, por ajo që dihet është që të dyja prokuroret janë shumë të njohura dhe ky vendim ishte i papritur. Pak kohë më parë është kërkuar një hetim disiplinorë për Armanda Xhaferrin, pasi u konstatua se kishte zvarritur veprimet procedurale në hetimin e çështjeve, ndërsa Ermira Tafani shpesh herë është lakuar në media, kjo për shkak dhe të karrierës së saj të gjatë në drejtësi. Kjo e fundit e ka nisur karrierën si juriste në vitin 1996 dhe prej 25 vitesh punon si prokurore në Elbasan. Një nga dosjet e bujshme që hetoi Tafani është ajo e bandës se Kateshit që gjatë vitit ’97 mori në kontroll Elbasanin. Po ashtu prokurorja Tafani ka hetuar edhe Maksude Kadenën, e njohur si Sudja, një nga çështjet më të bujshme të firmave piramidale, që u përcoll më pas në Tiranë. Nga ana tjetër, Armanda Xhaferri po ashtu ka hetuar dosje shumë të rëndësishme si ajo e biznemenëve në për pastrim parash dhe ndotje ajri, apo dhe dosjen e rrugës së Gjinarit ku ishin nën hetim ish drejtuesit e Autoritetit Rrugor Shqiptar.