Alarmi për një ndikim rus në Ballkan ka ngritur në këmbë Policinë e Shtetit. Kjo e fundit, përmes të gjitha njësive të saj të antikrimit dhe hetimit operativ ka nisur tashmë një verifikim për të gjithë shtetasit rusë që jetojnë dhe punojnë në Shqipëri. Sipas të dhënave janë mbi 400 shtetas rusë, që ndodhen në Shqipëri me pasaportë vetë ruse, apo edhe nënshtetësi shqiptare. Burime të Policisë thonë se verifikimet janë shtrirë në disa pista, ku përfshihet aktiviteti i tyre i përditshëm, lidhjet me persona me apo pa biznes, njohjet dhe formimi i tyre profesional.