Ultimatumi i kryeministrit Rama për drejtorin e ri të Policisë së Shtetit Muhamet Rrumbullaku ka filluar të vihet në zbatim në mënyrë vertikale. Pas gjashtë përjashtimesh në mënyrë të ndarë me njëri-tjetrin, ku më të bujshmit ishin ata të ish-shefit të komisariatit të Pukës, Pjerin Lazri apo ish-efektivit të Policisë Rrugore, Florenc Bicerri, që u kap me drogë në Stamboll, këtë të martën kreu i Policisë së Shtetit shigjetoi Drejtorinë Vendore të Policisë së Beratit. Me firmën e tij u përjashtuan nga Policia e Shtetit 7 punonjës policie, të rangut të lartë drejtues. Të përjashtuar janë Baki Musaku, Shef Sektori për Krimet në Policinë e Beratit, Sokol Lazaj, Shef i Komisariatit të Policisë së Beratit, Ardit Hasanbegaj, Shef i Krimeve, Artan Musaj Shef i Stacionit të Policisë në Dimal, Miço Rakazija, Specialist për Krimet dhe Vladimir Toska e Gazmend Sulaj, të dy ndihmës-specialistë për policimin në Komunitet.