Leva e vetme që ka në dispozicion Rusia kundër Bashkimit Europian, është eksporti i gazit të saj natyror drejt Evropës të cilës po e përdor si armë presioni ndaj Perëndimit. Presidentja e Komisionit Evropian, Úrsula von der Leyen, ka paralajmëruar tashmë se BE duhet “të përgatitey për më të keqen”. Për këtë arsye, Evropa e ka ulur tashmë varësinë e saj nga gazi rus në 20%, sipas qendrës së studimeve ekonomike Bruegel. Por kjo nuk mjafton. Dimri po vjen dhe kërkesa për gaz do të rritet sërish. Sipas të dhënave nga EUROSTAT, blloku importoi në vitin 2019 rreth 35 për qind të gazit të tij natyror nga Rusia. Ky është viti i fundit për të cilin ka të dhëna gjithëpërfshirëse. Nga vendet më të mëdha evropiane, Gjermania merr gati gjysmën e gazit të saj nga Rusia; Italia rreth 40 për qind; Franca 20 për qind. Britania e Madhe blen më pak gaz nga Rusia, si pjesë e importeve të saj totale, sa gati çdo vend tjetër evropian:vetëm 9.7 për qind. Disa vende të BE-së në Evropën Lindore dhe Qendrore, përfshirë Sllovakinë, Letoninë dhe Finlandën, importojnë pothuajse 100 për qind të gazit të tyre nga Rusia. Edhe pse tensionet midis Rusisë dhe BE-së u rritën pas pushtimit që Moska i bëri gadishullit jugor të Krimesë në Ukrainë në vitin 2014, varësia e bllokut ndaj gazit që importonte nga rivali i tij gjeopolitik nuk u dobësua. Sipas EUROSTAT, Mbretëria e Bashkuar mori dërgesën e saj të parë të gazit rus vetëm në vitin 2017.